Anghenion Dysgu Ychwanegol Penodol

Pwy sydd yn derbyn y gwasanaeth yma?

Plant a phobl ifanc sydd yn cael anhawster sylweddol yn y maes llythrennedd a rhifedd.

Mae’r gwasanaeth yn cefnogi disgyblion mewn:

Ysgolion cynradd
Ysgolion uwchradd

Beth mae’r gwasanaeth yn ei gynnig?

Mae’r gwasanaeth Anghenion Dysgu Ychwanegol Penodol (ADY Penodol) yn gweithio efo rhieni/gofalwyr, ysgolion a gweithwyr proffesiynol eraill i wneud yn siŵr bod pob disgybl yn:

Derbyn yr un cyfleoedd yn union â’u ffrindiau mewn ysgolion.
Datblygu sgiliau arbenigol sydd eu hangen arnyn nhw.
Cyflawni eu potensial a datblygu i fod yn ddysgwyr annibynnol.
Elwa o wasanaeth arbenigol sy’n ymateb i anghenion addysgol y disgybl.
Yn cael ei addysgu mewn awyrgylch sy’n hybu cynhwysiad addysgol.
Derbyn cefnogaeth addas ac amserol.

Mae’r gwasanaeth ADY Penodol yn gweithio efo ysgolion Gwynedd ac Ynys Môn i sicrhau bod disgyblion gydag anawsterau penodol yn cael eu cynnwys yn y cwricwlwm. Ceisir lleihau effaith yr anawsterau ar unrhyw gynnydd academaidd.

Er mwyn gwneud hyn rydym fel gwasanaeth yn gosod yr amcanion canlynol;

Cynnig hyfforddiant i staff allweddol o fewn ysgolion i ddatblygu sgiliau a defnyddio adnoddau priodol wrth weithio gyda’r disgyblion.
Cynnig gwasanaeth sydd yn helpu disgyblion ADY Penodol mewn ysgolion cynradd, ac uwchradd i wneud yn siŵr eu bod yn cyrraedd eu llawn botensial.
Monitro datblygiad y disgybl a sicrhau datblygiad cadarn o’r sgiliau angenrheidiol.
Sicrhau bod rhieni yn rhan allweddol o unrhyw gefnogaeth sydd yn cael ei gynnig.
Datblygu gwybodaeth a sgiliau arbenigol y tîm ADY Penodol er mwyn cynnal y lefelau arbenigedd sydd ei angen i gefnogi anghenion y disgyblion.

Pwy ydi’r tîm:

Athrawon Arbenigol ADY Penodol
Einir Wyn Owen
Iona Angharad Edwards
Siân Pritchard Roberts
Sara Llwyd Davies
Uwch Gymorthyddion Arbenigol ADY Penodol
Ann Jones

Sut mae cael mynediad i’r gwasanaeth?

Mae cyfeiriadau o’r ysgolion yn cael eu trafod yn erbyn meini prawf mynediad y gwasanaeth mewn Fforymau Ardal ADYaCh.

Beth yw rôl y Seicolegydd Addysgol?

Beth yw rôl y Swyddog Ansawdd?

Beth yw rôl yr ysgol?

Mae gan bob ysgol gyfrifoldeb i greu awyrgylch diogel a gofalus lle y mae’n bosib i bob disgybl ddatblygu’n hapus a hyderus. Er mwyn sicrhau awyrgylch sydd yn gyfeillgar i ddysgwyr gydag ADY Penodol mae disgwyl i ysgolion:

Sicrhau fod yr awyrgylch dysgu a cymdeithasol yn gynhwysol a chroesawgar.
Ymateb ar lefelau gwahanol i anghenion drwy ystyried unrhyw gyngor arbenigol rhesymol.
Fesur cynnydd disgyblion sydd yn derbyn ymyraethau er mwyn gallu dangos pa mor effeithiol ydynt.
Defnyddio asesiadau safonol a chyfeiriol er mwyn gweld cynnydd a phenderfynu ar y gefnogaeth orau addas.
Sicrhau bod unrhyw strategaethau/ argymhellion gan y gwasanaeth arbenigol yn cael eu gweithredu.

Adnoddau

Adnoddau ADY Penodol

Pwy arall sy’n gallu helpu?

Cydlynwyr ADY (CADY) yn yr ysgol

Seicolegwyr Addysgol

Swyddogion Ansawdd

SNAP Cymru

www.bdadyslexia.org.uk

www.nhs.uk/conditions/dyslexia

www.nessy.com/uk

www.dyslexia-assist.org.uk

www.booktrust.org.uk